കണ്ണൂർ: ലോക്സഭാ തിരഞ്ഞെടുപ്പിന്റെ തലേദിവസം രാഷ്ട്രീയ വൃത്തങ്ങളിൽ വലിയ കോളിളക്കമുണ്ടാക്കിയ ‘വ്യാജക്കത്ത്’ കേസിൽ അന്വേഷണം ശക്തമാക്കി സൈബർ പോലീസ്. കെപിസിസി അധ്യക്ഷൻ കെ സുധാകരന്റെ മരുമകൻ കെ അജിത്തിന്റെ മൊഴിയാണ് പോലീസ് രേഖപ്പെടുത്തിയത്. എംഎൽഎ സണ്ണി ജോസഫിന്റെ പേരിൽ പ്രചരിച്ച വ്യാജ കത്തിന്റെ ഉറവിടം തേടിയുള്ള അന്വേഷണത്തിന്റെ ഭാഗമായാണ് നടപടി. അജിത്തിന്റെ മൊബൈൽ ഫോണും പോലീസ് പരിശോധിച്ചു. രാഷ്ട്രീയ ഗൂഢാലോചനയാണെന്ന് കോൺഗ്രസ് ആരോപിക്കുമ്പോൾ, കുറ്റക്കാരെ ഉടൻ കണ്ടെത്തുമെന്ന ഉറപ്പിലാണ് പോലീസ്.