മട്ടന്നൂർ: അവധിക്കാലം കഴിഞ്ഞ് ഗൾഫ് നാടുകളിലേക്ക് മടങ്ങാനിരിക്കുന്ന പ്രവാസികൾക്ക് വൻ തിരിച്ചടിയായി കണ്ണൂർ വിമാനത്താവളത്തിലെ സർവീസ് മുടക്കം. സാങ്കേതിക കാരണങ്ങളാൽ എയർ ഇന്ത്യ എക്സ്പ്രസ്സ്, ഇൻഡിഗോ തുടങ്ങിയ പ്രമുഖ വിമാനക്കമ്പനികൾ മെയ് 31 വരെ പല വിദേശ സർവീസുകളും റദ്ദാക്കിയതായാണ് വിവരം. ദുബായ്, ഷാർജ, കുവൈറ്റ് തുടങ്ങിയ സെക്ടറുകളിലേക്കുള്ള യാത്രക്കാരെയാണ് ഇത് നേരിട്ട് ബാധിക്കുന്നത്. പോയിന്റ് ഓഫ് കോൾ പദവി ലഭിക്കാത്തതിനെത്തുടർന്ന് വിദേശ വിമാനക്കമ്പനികൾക്ക് അനുമതിയില്ലാത്തതും നിലവിൽ ഇന്ത്യൻ കമ്പനികൾ സർവീസ് വെട്ടിക്കുറച്ചതും കണ്ണൂർ വിമാനത്താവളത്തിന്റെ നിലനിൽപ്പിനെത്തുടന്നെ ബാധിക്കുമോ എന്ന ആശങ്കയിലാണ് മലബാറിലെ പ്രവാസികൾ.