കണ്ണൂർ: ജില്ലയിലെ നിർമ്മാണ മേഖലയെ പ്രതിസന്ധിയിലാക്കി ചെങ്കൽ ക്വാറി ഉടമകൾ അനിശ്ചിതകാല സമരത്തിലേക്ക്. കല്ലിന്റെ വില വർധിപ്പിക്കുന്നതുമായി ബന്ധപ്പെട്ട് രാഷ്ട്രീയ സംഘടനകളുമായി ധാരണയിലെത്തിയിരുന്നെങ്കിലും, സിഐടിയു ഉൾപ്പെടെയുള്ള തൊഴിലാളി സംഘടനകൾ ക്വാറി പ്രവർത്തനം തടയുന്നു എന്ന് ആരോപിച്ചാണ് സമരം. ചിലയിടങ്ങളിൽ വാഹനങ്ങൾ തടയുകയും തൊഴിലാളികളെ ഭീഷണിപ്പെടുത്തുകയും ചെയ്യുന്നതോടെ കല്ല് ലോഡിംഗും ഗതാഗതവും നിലച്ചിരിക്കുകയാണ്. ഇതോടെ വീട് നിർമ്മാണവും സർക്കാർ പദ്ധതികളും പകുതിവഴിയിൽ നിലയ്ക്കുന്ന അവസ്ഥയാണ്. പ്രശ്നത്തിൽ ജില്ലാ കളക്ടർ അടിയന്തരമായി ഇടപെടണമെന്നാണ് ക്വാറി ഉടമകളുടെ ആവശ്യം.