സി.പി.എം സംസ്ഥാന സെക്രട്ടറി എം.വി. ഗോവിന്ദന്റെ പത്നി പി.കെ. ശ്യാമള ഔദ്യോഗിക സ്ഥാനാർത്ഥിയായി വരുമ്പോൾ, പാർട്ടിയെ ഞെട്ടിച്ചുകൊണ്ട് ആറ് പതിറ്റാണ്ടിന്റെ പ്രവർത്തന പാരമ്പര്യമുള്ള ടി.കെ. ഗോവിന്ദൻ വിമതനായി രംഗത്തിറങ്ങിയിരിക്കുന്നു. കുടുംബ വാഴ്ചയെന്ന ആരോപണവും ആന്തൂരിലെ പ്രവാസി വ്യാപാരി സാജന്റെ മരണവുമായി ബന്ധപ്പെട്ട വിവാദങ്ങളും തളിപ്പറമ്പിലെ ചുവപ്പുകോട്ടയിൽ ഇത്തവണ വിള്ളലുകൾ വീഴ്ത്തുമോ എന്നാണ് കേരളം ഉറ്റുനോക്കുന്നത്. യു.ഡി.എഫ് പിന്തുണയോടെ ടി.കെ. ഗോവിന്ദൻ നടത്തുന്ന പോരാട്ടം മണ്ഡലത്തെ പ്രവചനാതീതമാക്കുന്നു.